Aðalfundur Ungra umhverfissinna 2023 fór fram í Háskóla Íslands þann 15. apríl s.l. Rætt var um störf líðandi starfsárs, farið yfir ársskýrslu og ársreikning, kosið um lagabreytingartillögur, kosið í stjórn, tilkynnt um Unga umhverfissinnann 2022-23, og ný stefna félagsins samþykkt.
Nýja stjórn UU fyrir starfsárið 2023-24 skipa:
Forseti - Finnur Ricart Andrason
Varaforseti - Evlalía Kolbrún Ágústsdóttir
Gjaldkeri - Una Lilja Erludóttir
Ritari - Snorri Hallgrímsson
Kynningar- og fræðslufulltrúi - Bára Örk Melsted
Loftslagsfulltrúi - Cody Alexander Skahan
Náttúruverndarfulltrúi - Sæunn Júlía Sigurjónsdóttir
Hringrásarhagkerfisfulltrúi - Emily Richey-Stavrand
Önnur embætti utan stjórnar fyrir starfsárið 2023-24 skipa:
Trúnaðarfulltrúar - Unnur Björnsdóttir & Egill Ö. Hermannsson (sjá meira um þau hér)
Skoðunarmanneskja reikninga - Þorgerður María Þorbjarnardóttir
Í ársskýrslu UU 2022-23 má lesa um allt það sem félagið tók sér fyrir hendur á líðandi starfsári, m.a. nefndarstarfið, landsfundina, Loftslagsverkfallið, alþjóðlegar ráðstefnur Sþ. sem við sóttum, og fjölmiðlaumfjöllun um félagið. Ársskýrsluna í heild sinni má finna hér.
Fjárstaða félagsins er góð og má skoða samantekt á fjármálum UU í ársreikningi UU 2022-23 sem er að finna hér.
Kosið var um ýmsar lagabreytingartillögur á aðalfundinum og verða samþykktir félagsins uppfærðar og þýddar yfir á ensku á næstunni. Samþykktir félagsins er að finna hér.
Ný stefna UU var einnig samþykkt á aðalfundinum. Þessi ítarlega stefna í þremur köflum sem unnin var í góðu samráði við félaga á fjórum landsfundum og í gagnsæju stefnumótunarferli undanfarna tvo mánuði mun móta og efla starf félagsins á komandi starfsárum.
Skemmtilegasti liður aðalfundarins var svo auðvitað þegar tilkynnt var um Unga umhverfissinnann 2022-23. Þessa hvetjandi viðurkenningu hlaut Helga Hvanndal Björnsdóttir fyrir frábær störf á líðandi starfsári í þágu félagsins og náttúrunnar.
Fundargerð aðalfundar UU 2023 má nálgast hér.