The Icelandic Youth Environmentalist Association is a non governmental organisation with the primary objective of giving young people a platform to positively influence the way society interacts with nature.
Nefndir Ungra umhverfissinna
Félagasamtökin Ungir umhverfissinnar reka fjórar fastanefndir um ólík málefni innan umhverfisverndar. Fulltrúi hverrar nefndar situr í stjórn Ungra umhverfissinna en í hverri nefnd er einn meðstjórnandi og síðan almennir meðlimir. Hver nefnd fundar að minnsta kosti einu sinni í mánuði og eru allir meðlimir Ungra umhverfissinna velkomnir á þá fundi.
Loftslagsnefnd
Undir loftslagsnefnd falla þau mál sem tengjast loftslagsbreytingum, hvort sem það eru lagaleg ákvæði, samfélagsleg ábyrgð eða ógnir loftslagsbreytinga við lífi jarðar.
Náttúruverndarnefnd
Undir náttúruverndarnefnd falla öll þau málefni er tengjast náttúrunni og vernd hennar. Þar má m.a. nefna verndarsvæði, verndun einstakra tegunda eða jarðfræðilegra fyrirbæra.
Hringrásarnefnd
Undir hringrásarnefnd falla öll þau mál er varða skipti yfir í hringrásarhagkerfi (e. circular economy). Má þar nefna orkumál, úrgangsmál, sjálfbæra matvælaframleiðslu og margt fleira.
Fræðslunefnd
Undir fræðslunefnd falla þau mál er varða sýn félagsins út á við ásamt fræðslu til almennings. Nefndin sér um samfélagsmiðla félagsins og heldur utan um framhaldsskólakynningar svo fátt eitt sé nefnt.
